Badnaam Sad Shayari in Urdu
![Badnaam Sad Shayari in Urdu](http://continueaim.com/wp-content/uploads/2024/04/370_20_11zon.webp)
رہروی ہے نہ رہنمائی ہے
آج دور شکستہ پائی ہے
عقل لے آئی زندگی کو کہاں
عشق ناداں تری دہائی ہے
ہے افق در افق رہ ہستی
ہر رسائی میں نارسائی ہے
![Badnaam Sad Shayari in Urdu](http://continueaim.com/wp-content/uploads/2024/04/371_21_11zon.webp)
شکوے کرتا ہے کیا دل ناکام
عاشقی کس کو راس آئی ہے
ہو گئی گم کہاں سحر اپنی
رات جا کر بھی رات آئی ہے
جس میں احساس ہو اسیری کا
وہ رہائی کوئی رہائی ہے
![Badnaam Sad Shayari in Urdu](http://continueaim.com/wp-content/uploads/2024/04/372_22_11zon.webp)
کارواں ہے خود اپنی گرد میں گم
پاؤں کی خاک سر پہ آئی ہے
بن گئی ہے وہ التجا آنسو
جو نظر میں سما نہ پائی ہے
برق ناحق چمن میں ہے بدنام
آگ پھولوں نے خود لگائی ہے
![Badnaam Sad Shayari in Urdu](http://continueaim.com/wp-content/uploads/2024/04/373_23_11zon.webp)
وہ بھی چپ ہیں خموش ہوں میں بھی
ایک نازک سی بات آئی ہے
اور کرتے ہی کیا محبت میں
جو پڑی دل پہ وہ اٹھائی ہے
نئے صافی میں ہو نہ آلائش
یہی ملاؔ کی پارسائی ہے
![Badnaam Sad Shayari in Urdu](http://continueaim.com/wp-content/uploads/2024/04/368_18_11zon.webp)
لمحے بھر میں تم نے میری ہر خوبی کو خام کیا
میں نے کہا کہ نام کیا ہے تم نے کہا بدنام کیا
اپنا کام تھا اس تک جانا گردش ہو یا سوزش ہو
اس کے در تک پہنچے دستک دیتے ہی آرام کیا
![Badnaam Sad Shayari in Urdu](http://continueaim.com/wp-content/uploads/2024/04/369_19_11zon.webp)
جس کے سر پر تاج کبھی تھا فکر میں گزری اس کی بھی
دیکھے دنیا اس الفت نے کیا تیرا انجام کیا
لکھنی تھی بیتابی دل کی امرتؔ خط میں یوں لکھی
کچھ کاٹا کچھ لکھا قاصد کے ہاتھوں پیغام کیا
![Badnaam Sad Shayari in Urdu](http://continueaim.com/wp-content/uploads/2024/04/365_15_11zon.webp)
سچ کہنے کا آخر یہ انجام ہوا
ساری بستی میں میں ہی بدنام ہوا
قتل کا مجرم رشوت دے کر چھوٹ گیا
قسمت دیکھو میرے سر الزام ہوا
میرے غم پر وہ اکثر ہنس دیتا ہے
یہ تو غم کا غیر مناسب دام ہوا
![Badnaam Sad Shayari in Urdu](http://continueaim.com/wp-content/uploads/2024/04/366_16_11zon.webp)
زخم یہاں تو ویسے کا ویسا ہی ہے
تم بتلاؤ تم کو کچھ آرام ہوا
تنہائی نے جب سے قید کیا مجھ کو
باہر آنے میں تب سے ناکام ہوا
![Badnaam Sad Shayari in Urdu](http://continueaim.com/wp-content/uploads/2024/04/367_17_11zon.webp)
روز مسائل گھیرے ہیں مجھ کو تو اب
سوچ رہا ہوں گردش ایام ہوا
اخباروں میں خود کو پڑھتے سوچوں ہوں
میتؔ یہاں پر میرا بھی کچھ نام ہوا
![Badnaam Sad Shayari in Urdu](http://continueaim.com/wp-content/uploads/2024/04/361_11_11zon.webp)
ہم کنارا کئے کناروں سے
کھیلا کرتے ہیں منجدھاروں سے
ہم گزرتے ہیں کھیلتے ہنستے
شعلہ زاروں سے خارزاروں سے
نام پاتے ہیں ناصح بے نام
ہم سے بدنام بادہ خواروں سے
![Badnaam Sad Shayari in Urdu](http://continueaim.com/wp-content/uploads/2024/04/362_12_11zon.webp)
تف بہ مطلب براری یاراں
اف یہ اطوار خاکساروں سے
جن کے دل میں گلوں کی چاہت ہے
پہلے وہ سرخ رو ہوں خاروں سے
دل کی راہوں میں بو لیے کانٹے
کر کے امید گلعذاروں سے
![Badnaam Sad Shayari in Urdu](http://continueaim.com/wp-content/uploads/2024/04/363_13_11zon.webp)
یوں ہے جنبش میں پھول کی ڈالی
وہ بلاتے ہیں جوں اشاروں سے
یوں تو مہ وش ہزار دیکھے ہیں
تم جدا ہو مگر ہزاروں سے
بوالہوس ہے رقیب باطن میں
طور ظاہر میں جاں نثاروں سے
![Badnaam Sad Shayari in Urdu](http://continueaim.com/wp-content/uploads/2024/04/BADNAAM-Q_364.webp)
اک فسانہ کہ تھا دیار اپنا
اک حقیقت کہ بے دیاروں سے
تو نے اے دوست ساتھ کیا چھوڑا
دل لرزتا ہے اب سہاروں سے
گرم بازار ہے مرے فن کا
داد پاتا ہوں نقد کاروں سے
![Badnaam Sad Shayari in Urdu](http://continueaim.com/wp-content/uploads/2024/04/364_14_11zon.webp)
روٹھ جائیں نہ وہ کہیں عامرؔ
شعر پڑھیے نہ یوں اشاروں سے
![Badnaam Sad Shayari in Urdu](http://continueaim.com/wp-content/uploads/2024/04/357_7_11zon.webp)
لطف اب زیست کا اے گردش ایام نہیں
مے نہیں یار نہیں شیشہ نہیں جام نہیں
کب مجھے یاد رخ و زلف سیہ فام نہیں
کوئی شغل اس کے سوا صبح سے تا شام نہیں
![Badnaam Sad Shayari in Urdu](http://continueaim.com/wp-content/uploads/2024/04/358_8_11zon.webp)
ہر سخن پر مجھے دیتا ہے وہ بد خو دشنام
کون سی بات مری قابل انعام نہیں
نیک نامی میں دلا فرقۂ عشاق ہیں عشق
ہے وہ بدنام محبت میں جو بدنام نہیں
![Badnaam Sad Shayari in Urdu](http://continueaim.com/wp-content/uploads/2024/04/359_9_11zon.webp)
چہرۂ یار کے سودے میں کہا کرتا ہوں
رخ ہے یہ صبح نہیں زلف ہے یہ شام نہیں
بوسہ آنکھوں کا جو مانگا تو وہ ہنس کر بولے
دیکھ لو دور سے کھانے کے یہ بادام نہیں
![Badnaam Sad Shayari in Urdu](http://continueaim.com/wp-content/uploads/2024/04/360_10_11zon.webp)
حلقۂ زلف بتاں میں ہے بھری نکہت گل
اے دل اس لام میں بوئے گل اسلام نہیں
ابتدا عشق کی ہے دیکھ امانتؔ ہشیار
یہ وہ آغاز ہے جس کا کوئی انجام نہیں
![Badnaam Sad Shayari in Urdu](http://continueaim.com/wp-content/uploads/2024/04/353_3_11zon.webp)
ہو گئی عشق میں بدنام جوانی اپنی
بن گئی مرکز آلام جوانی اپنی
ماضی و حال ہیں محروم شراب و نغمہ
ہائے افسردہ و ناکام جوانی اپنی
![Badnaam Sad Shayari in Urdu](http://continueaim.com/wp-content/uploads/2024/04/354_4_11zon.webp)
آہ وہ صبح جو تھی صبح بہار ہستی
ہے اسی صبح کی اب شام جوانی اپنی
ایک تاریک فضا ایک گھٹا سا ماحول
کسی مفلس کا ہے انجام جوانی اپنی
![Badnaam Sad Shayari in Urdu](http://continueaim.com/wp-content/uploads/2024/04/355_5_11zon.webp)
انہیں راہوں میں انہیں مست و جواں گلیوں میں
لڑکھڑائی ہے بہر گام جوانی اپنی
ایک وہ دن تھا کہ مے خانوں پہ ہم بھاری تھے
آج ہے دور تہہ جام جوانی اپنی
![Badnaam Sad Shayari in Urdu](http://continueaim.com/wp-content/uploads/2024/04/356_6_11zon.webp)
اکتفا کر کے کھنکتے ہوئے روز و شب پر
بن گئی زیست پر الزام جوانی اپنی
دن ہوا دھوپ چڑھی ڈھل گئے سائے الطافؔ
اب ہے اک بجھتی ہوئی شام جوانی اپنی
![Badnaam Sad Shayari in Urdu](http://continueaim.com/wp-content/uploads/2024/04/349_49_11zon.jpeg)
راز چشم مے گوں ہے کیف مدعا میرا
غیر کی نظر سے ہے دور میکدہ میرا
واسطے کی خوبی نے سہل منزلیں کر دیں
حسن عشق کا رہبر عشق رہنما میرا
کر دیا مجھے بے خود ان کی بے نیازی نے
کہہ رہا ہوں خود ان سے دل سنبھالنا میرا
![Badnaam Sad Shayari in Urdu](http://continueaim.com/wp-content/uploads/2024/04/350_50_11zon.jpeg)
ہائے خوف بدنامی وائے فکر ناکامی
بے وفا کے ہاتھوں میں حاصل وفا میرا
لطف خلوت و جلوت ہم نہ پا سکے لیکن
دھوم ہر طرف ان کی ذکر جا بہ جا میرا
طرز والہانہ کی داد کب ملی مجھ کو
ناز دوست کب نکلا صورت آشنا میرا
![Badnaam Sad Shayari in Urdu](http://continueaim.com/wp-content/uploads/2024/04/351_1_11zon.webp)
سوچنے لگے گی کچھ تیری خوش نگاہی بھی
رائیگاں نہ جائے گا یوں ہی دیکھنا میرا
میں نے جب کبھی دیکھا سر جھکا لیا تو نے
تو نے جب کبھی دیکھا دل تڑپ گیا میرا
عشرت حجاب از خود چارہ ساز دل کیا ہو
ساز ہو جب اے ظالم سوز آشنا میرا
![Badnaam Sad Shayari in Urdu](http://continueaim.com/wp-content/uploads/2024/04/352_2_11zon.webp)
میری خستہ حالی نے سعیٔ خود شناسی کی
ان کی خود نمائی نے جب کیا گلہ میرا
ہے جو حضرت منظورؔ اعتبار ایں و آں
اذن بے خودی لے کر پوچھئے پتا میرا
![Badnaam Sad Shayari in Urdu](http://continueaim.com/wp-content/uploads/2024/04/346_46_11zon.jpeg)
برہم زن شیرازۂ ایام ہمیں ہیں
اے درد محبت ترا انجام ہمیں ہیں
اس قافلۂ شوق میں یہ وہم ہے سب کو
آوارہ و سر گشتہ و ناکام ہمیں ہیں
ہوں گے کئی گردن زدنی اور بھی لیکن
اس شہر نگاراں میں تو بدنام ہمیں ہیں
![Badnaam Sad Shayari in Urdu](http://continueaim.com/wp-content/uploads/2024/04/347_47_11zon.jpeg)
ہم دھوپ میں تپتے تو پنپ جاتے مگر اب
دریوزہ گر مہر لب بام ہمیں ہیں
کیا آن تھی ناکامیٔ تدبیر سے پہلے
اب لائق فہمائش دشنام ہمیں ہیں
حق نقد مسرت کا اگر ہے تو ہمیں کو
کچھ نبض شناس غم و آلام ہمیں ہیں
![Badnaam Sad Shayari in Urdu](http://continueaim.com/wp-content/uploads/2024/04/348_48_11zon.jpeg)
جس تک کوئی کوئی ابھی پہنچا ہی نہیں ہے
وہ مشعل بے نور سر شام ہمیں ہیں
انکار ہی سر چشمۂ ایمان و یقیں ہے
اب روز جزا لائق انعام ہمیں ہیں
کلیوں سے دم صبح جو زیدیؔ نے سنا تھا
فطرت کا وہ نا گفتہ سا پیغام ہمیں ہیں
![Badnaam Sad Shayari in Urdu](http://continueaim.com/wp-content/uploads/2024/04/343_43_11zon.jpeg)
مستی گام بھی تھی غفلت انجام کے ساتھ
دو گھڑی کھیل لیے گردش ایام کے ساتھ
تشنہ لب رہنے پہ بھی ساکھ تو تھی شان تو تھی
وضع رندانہ گئی اک طلب جام کے ساتھ
جب سے ہنگام سفر اشکوں کے تارے چمکے
تلخیاں ہو گئیں وابستہ ہر اک شام کے ساتھ
![Badnaam Sad Shayari in Urdu](http://continueaim.com/wp-content/uploads/2024/04/344_44_11zon.jpeg)
اب نہ وہ شورش رفتار نہ وہ جوش جنوں
ہم کہاں پھنس گئے یاران سبک گام کے ساتھ
اڑ چکی ہیں ستم آراؤں کی نیندیں اکثر
آپ سنئے کبھی افسانہ یہ آرام کے ساتھ
![Badnaam Sad Shayari in Urdu](http://continueaim.com/wp-content/uploads/2024/04/345_45_11zon.jpeg)
اس میں ساقی کا بھی درپردہ اشارہ تو نہیں
آج کچھ رند بھی تھے واعظ بدنام کے ساتھ
غیر کی طرح ملے اہل حرم اے زیدیؔ
مجھ کو یک گو نہ عقیدت جو تھی اصنام کے ساتھ
![Badnaam Sad Shayari in Urdu](http://continueaim.com/wp-content/uploads/2024/04/340_40_11zon.jpeg)
اس میں کیا جرم کیا خطا صاحب
دل تو ٹھہرا ہی بے وفا صاحب
پھر کسی دوسرے کا سجدہ ہو
پھر نیا ہو کوئی خدا صاحب
جو ہمیں یاد ہی نہیں تھے کبھی
کیا بھلا ان کو بھولنا صاحب
![Badnaam Sad Shayari in Urdu](http://continueaim.com/wp-content/uploads/2024/04/341_41_11zon.jpeg)
وہ بھی میری طرح بھلا ڈالیں
کیا کہیں کچھ کبھی ہوا صاحب
دل تڑپتا نہیں ہے ان کے لئے
کر چکے سب دوا دعا صاحب
ہے یہ مشہور اپنے بارے میں
وہ کسی کا نہ ہو سکا صاحب
![Badnaam Sad Shayari in Urdu](http://continueaim.com/wp-content/uploads/2024/04/342_42_11zon.jpeg)
ہم پہ تہمت کہ کر دیا بدنام
اس قدر جھوٹ انتہا صاحب
ذکر اکثر کیا ہے عشق کا پر
نام کس کا کبھی لیا صاحب
![Badnaam Sad Shayari in Urdu](http://continueaim.com/wp-content/uploads/2024/04/337_37_11zon.jpeg)
جو ذہن و دل کے زہریلے بہت ہیں
وہی باتوں کے بھی میٹھے بہت ہیں
چلو اہل جنوں کے ساتھ ہو لیں
یہاں اہل خرد سستے بہت ہیں
مری بے چہرگی پر ہنسنے والو
تمہارے آئنے دھندلے بہت ہیں
![Badnaam Sad Shayari in Urdu](http://continueaim.com/wp-content/uploads/2024/04/338_38_11zon.jpeg)
ذرا یادوں کے ہی پتھر اچھالو
نواح جاں میں سناٹے بہت ہیں
تری بالا قدی بدنام ہوگی
یہاں کے بام و در نیچے بہت ہیں
![Badnaam Sad Shayari in Urdu](http://continueaim.com/wp-content/uploads/2024/04/339_39_11zon.jpeg)
شجر بے سایہ ہیں سورج برہنہ
مگر ہم عزم کے پکے بہت ہیں
کرو اب فتح کا اعلان اخترؔ
سروں سے سرخ رو نیزے بہت ہیں
![Badnaam Sad Shayari in Urdu](http://continueaim.com/wp-content/uploads/2024/04/334_34_11zon.jpeg)
یہ آنے والا زمانہ ہمیں بتائے گا
وہ گھر بنائے گا اپنا کہ گھر بسائے گا
میں سارے شہر میں بدنام ہوں خبر ہے مجھے
وہ میرے نام سے کیا فائدہ اٹھائے گا
پھر اس کے بعد اجالے خریدنے ہوں گے
ذرا سی دیر میں سورج تو ڈوب جائے گا
![Badnaam Sad Shayari in Urdu](http://continueaim.com/wp-content/uploads/2024/04/335_35_11zon.jpeg)
ہے سیرگاہ یہ کچی منڈیر سانپوں کی
یہاں سے کیسے کوئی راستہ بنائے گا
سنائی دیتی نہیں گھر کے شور میں دستک
میں جانتا ہوں جو آئے گا لوٹ جائے گا
![Badnaam Sad Shayari in Urdu](http://continueaim.com/wp-content/uploads/2024/04/336_36_11zon.jpeg)
میں سوچ بھی نہیں سکتا تھا ان اڑانوں میں
وہ اپنے گاؤں کی مٹی کو بھول جائے گا
ہزاروں روگ تو پالے ہوئے ہو تم نظمیؔ
بچانے والا کہاں تک تمہیں بچائے گا
![Badnaam Sad Shayari in Urdu](http://continueaim.com/wp-content/uploads/2024/04/330_30_11zon.jpeg)
آہ لب تک دل ناکام نہ آنے پائے
عظمت عشق پہ الزام نہ آنے پائے
ہم سے قائم ترے میخانے کی عظمت ساقی
اور ہم تک ہی کوئی جام نہ آنے پائے
![Badnaam Sad Shayari in Urdu](http://continueaim.com/wp-content/uploads/2024/04/331_31_11zon.jpeg)
زیر ترتیب ہے تاریخ روایات وطن
حکم ہے اس میں مرا نام نہ آنے پائے
تیری آنکھوں کے اگر ہوں نہ اشارے ساقی
جام میں بادۂ گلفام نہ آنے پائے
![Badnaam Sad Shayari in Urdu](http://continueaim.com/wp-content/uploads/2024/04/332_32_11zon.jpeg)
مژدہ اے اہل چمن آ تو گئی صبح بہار
اب ضرورت ہے کہ پھر شام نہ آنے پائے
دل شکن یوں تو ہے انجام محبت لیکن
دل میں اندیشۂ انجام نہ آنے پائے
![Badnaam Sad Shayari in Urdu](http://continueaim.com/wp-content/uploads/2024/04/333_33_11zon.jpeg)
ہے طلب گار مسرت تو زباں پر اے دوست
شکوۂ گردش ایام نہ آنے پائے
پی کے تھوڑی سی بہک جاتا ہے ساقی نے کہا
بزم میں اخترؔ بدنام نہ آنے پائے
![Badnaam Sad Shayari in Urdu](http://continueaim.com/wp-content/uploads/2024/04/327_27_11zon.jpeg)
بند ہونٹوں سے بھی اظہار تمنا کرتے
آئنہ بن کے ترے حسن کو دیکھا کرتے
اپنا سایہ بھی یہاں غیر نظر آتا ہے
اجنبی شہر میں ہم کس پہ بھروسہ کرتے
اس کی محفل میں تو اک بھیڑ تھی دیوانوں کی
پہلے دل اہل نظر اہل وفا کیا کرتے
![Badnaam Sad Shayari in Urdu](http://continueaim.com/wp-content/uploads/2024/04/328_28_11zon.jpeg)
عشق ہر حال میں پابند وفا ہوتا ہے
ہم تو بدنام تھے کیوں آپ کو رسوا کرتے
اتنی گزری ہے جہاں اور گزر جائے گی
زندگی کے لئے اتنا نہیں سوچا کرتے
![Badnaam Sad Shayari in Urdu](http://continueaim.com/wp-content/uploads/2024/04/329_29_11zon.jpeg)
جب تلک سانس چلے بس یوں ہی چلتے رہئے
چل کے دو چار قدم یوں نہیں ٹھہرا کرتے
اے خدا ہم تری وحدت پہ یقیں رکھتے ہیں
کیوں ترے در کے سوا ہم کہیں سجدہ کرتے
![Badnaam Sad Shayari in Urdu](http://continueaim.com/wp-content/uploads/2024/04/322_22_11zon.jpeg)
جنون عشق کا جو کچھ ہوا انجام کیا کہئے
کسی سے اب یہ روداد دل ناکام کیا کہئے
پھری کیوں کر نگاہ ساقیٔ گلفام کیا کہئے
بھری محفل میں اسباب شکست جام کیا کہئے
یہ کیسی دل میں ہے اک ظلمت بے نام کیا کہئے
بجھا کیوں دفعتاً از خود چراغ شام کیا کہئے
![Badnaam Sad Shayari in Urdu](http://continueaim.com/wp-content/uploads/2024/04/323_23_11zon.jpeg)
تغافل پر وہ دو حرف شکایت بھی قیامت تھے
زمانے بھر کے ہم پر آ گئے الزام کیا کہئے
مرا درد نہاں بھی آج رسوائے زمانہ ہے
اک آہ زیر لب بھی بن گئی دشنام کیا کہئے
در و دیوار پر چھائے ہوئے ہیں یاس کے منظر
دیار نامرادی کے یہ صبح و شام کیا کہئے
![Badnaam Sad Shayari in Urdu](http://continueaim.com/wp-content/uploads/2024/04/324_24_11zon.jpeg)
جہان آرزو بھی رفتہ رفتہ ہو چلا ویراں
اک آغاز حسیں کا آہ یہ انجام کیا کہئے
امید و یاس میں یہ روز و شب کی کشمکش توبہ
بہر لمحہ فریب گردش ایام کیا کہئے
یہ کس کے در سے طعنے مل رہے ہیں سجدہ و سر کو
یہ کس در پر ہے ذوق بندگی بدنام کیا کہئے
![Badnaam Sad Shayari in Urdu](http://continueaim.com/wp-content/uploads/2024/04/325_25_11zon.jpeg)
کہاں کا شکوۂ غم ہم تو بس شکر ستم کرتے
مگر شکر ستم کا بھی ہے جو انجام کیا کہئے
ادائے بدگمانی بھی سرشت عشق ہے لیکن
یہ کیوں کر بن گئی منجملۂ الزام کیا کہئے
رہیں گے حشر تک ممنون احسان دل آزاری
خلوص عشق پر یہ قیمتی انعام کیا کہئے
![Badnaam Sad Shayari in Urdu](http://continueaim.com/wp-content/uploads/2024/04/326_26_11zon.jpeg)
بڑھی جاتی ہے اب تو اور بھی کچھ دورئ منزل
اچانک نو بہ نو دشوارئی ہر گام کیا کہئے
وہ اپنی سعئ تجدید جنوں بھی رائیگاں ٹھہری
بس اب آگے مآل حسرت ناکام کیا کہئے
نہ سمجھے آج تک رنگ مزاج یار بے پروا
مگر پھر بھی زباں پر ہے اسی کا نام کیا کہئے